اصبحت لا اطيق ممارسة الجنس مع زوجي لأنه يطلق الغازات ..اصبحت اشعر بالقرف انقذوني…

مشكلتي محرجه شوي ويمكن البعض ينقرف منها ، ومااعرف لمين اشكي او افضفض اني متزوجه صار لي 6 سنوات وعندي طفلين والحمد لله وحامل الحين وزوجي معاي تمام والحمد لله ، لكن في السنه الاخيره صرت أحس بنفور من زوجي في العلاقه والحين زايده واااجد والسبب ان زوجي تكرمو معاه غازات .. في بداية حياتنا استغربت وااجد لان اني راسي خفيف وماانام ع طول يعني اقعد ع المنام 3 ساعات اتقلب وزوجي وهو نايم دايما غازات وصرت ابتعد عنه ، كلمته وصارحته قال ان الواحد مايحس بنفسه وهو نايم ، لكن اني أحس الوضع مو طبيعي ، يعني عشت مع بيت اهلي لما واحد من إخواني او أبوي ينامو في الصاله ماعمري لقيت منهم هالحركه حتى بالغلط !! ومو بس وقت النوم لدرجه والله العظيم حتى وقت علاقتنا الخاصه اسمع منه هالشغلات وقام اعتذر مني ، بس استحملت رغم ان متألمه نفسيآ من داخلي .. كلمته قلت له روح المستشفى يشوف علاج حق هالسالفه يمكن قولون او شي ، ما يرضى ، قلت له يشرب نعناع او ينسون او غيره ، قال ما يحب هالمشروبات ، طيب قلت له والحل ، قال اني مكبره السالفه , قلت يعني بتظل دايما كذا ، يسكت اني مابغى أجرح زوجي او شي واعرف ان احنا بشر ، لكن مو عارفه أتصرف في هالموضوع لان يأثر على نفسيتي وهو مو مكلف على نفسه يتعالج والحين اني حامل وصار لي فتره مبتعده عنه لدرجة صرت مااحب انام معاه في غرفه ، اروح انام مع بنتي غصبآ عني وهو فيه عاده ثانيه لما اكون متضايقه او زعلانه ويحس فيني ، صحيح يتضايق بس مابينا تواصل وحوار ، تواصله يكون من خلال اللمس مايعرف يتكلم معاي او يراضيني بكلمه او يتكلم في موضوع مضايقني ، حتى لو اروح اتكلم معاه يسكت مايرد علي الا قليل جدا في الايام العاديه يتكلم عادي بس وقت الزعل مايتكلم .. تعبانه نفسيا الى جانب الوضع المادي السيء هالفتره اللي عنده حل يكرمني ، وأسألكم الدعاء بتغيير الحال والسماح ان كان ضايقكم الموضوع